هكذا ترتجز مشاعري
في رثاء الشهيد الياسري
الشاعر المحامي حسن الكلابي
طبك مجروح
انده والجروح مجافيات اغمار
وسولف والسوالف واجات بنا
ر
أخيطهن عليك عليك حيل أكصار
وواددهن وياك يعيجهن حدار
أثاريك بحر وآنة أنكل عليك احجار
علامك ياجرح أيار .. علامك ياجرح أيار
علامك ماتعرف الكاع والماي ومساحينة وهذيج الدار
علامك ماتعرف الصوت صوت الصاح حيهم والآذان أزغار
علامك ماتعرف الخيل ماشميت ريحة دم صهيل وثار
ماسولفلك المشخاب عن عرس التفك عن هوسة الثوار
ماتسمع بجي الفانوس لا هظلة زلم يمة ولا ذيج الليالي أكمار
ماتنظر صريفتنة وجهها اصفر
ماحسبت كاع اتصير عاهر ماتلد عنبر
مامرك طبك مجروح على صدرة الدنان افتر
ماشفت النخل زعلان وضل بغير جسوة معرين الفنجان
علي بالك اتسلم عايب الديوان
يلمطلج الحمر كلهن مافرزنت علية بزحمت النسوان
علامك ياجرح أيار علامك مادريت اشصار
هذولة أولاد ياسر نورهم زعلان
وهذاك المنبر المذبوح طاح ومن حجيهم ماشبع عطشان
حط اذنك على كاع النجف تسمع ونين الكاع عل الخلان
اشتريد نعاشر الذلة
اشتريد نعوف برحينة وننكل للعرب سلة
شبلاك انته نجحل عيونة بلا دم ننام وثارنة نملة
ولك والماكلتها بيوم عفن والمثلك نكلة
لشسع نعال سيد شاكر الجيدوم
فدوة يروح حزبك والبعث كلة
النجف الأشرف
25/5/2010
